जिल्हापरिषद प्राथमिक शाळा जयपूर येथील शिक्षिका सौ.सच्चीता दिक्षीत यांचा निरोप समारंभ संपन्न
केज/प्रतिनिधी
केज तालुक्यातील जयपूर (सावळेश्वर) जिल्हापरिषद प्राथमिक शाळेतील शिक्षीका सौ. सच्चीता दिक्षीत यांची अंबाजोगाई येथे बदली झाल्यामुळे जयपूर शाळेच्या वतीने विद्यार्थ्यांनी, गावकऱ्यांच्या वतीने निरोप समारंभ घेऊन सत्कार करण्यात आला
जयपूर येथे बदलून आलेल्या शिक्षिका सौ. अर्चना होके यांचा स्वागत समारंभ आयोजित करण्यात आला होता.कार्यक्रमाचे अध्यक्ष म्हणून सावळेश्वर गावचे सरपंच श्री.मारूती कांबळे,प्रमूख पाहूणे आनंदगाव येथील शिवाजी पोळ हे उपस्थित होते.
सौ. सच्चीता दिक्षीत यांनी मनोगत व्यक्त करताना म्हणाल्या की, या शाळेत काम करतांना सर्व स्टाफ विद्यार्थी यांचे मोलाचे सहकार्य लाभले असे भावनिक उद्गार काढून याबद्दल मी सर्वांची आभारी आहे असे सांगितले. प्रमुख पाहुणे यांनी प्राथमिक शिक्षणाचा पाया मजबूत करण्यासाठी या लहान मुलांना घडविण्याचे काम प्राथमिक शिक्षकच करतात असे अध्यक्ष पदावरून बोलताना शिवाजी पोळ यांनी आपले मत व्यक्त केले. सरपंच मारूतराव कांबळे यांनी सौ. सच्चीता दिक्षीत मॅडम यांनी गेली सात वर्षे या शाळेत ज्ञान दानाचे उत्तम काम तन,मन, धनाने केलेले आहे.
घरोघरी पालकांशी संपर्क साधून विद्यार्थ्यांना शिक्षकांची संधी उपलब्ध करून दिली याबाबत सौ. सच्चीता दिक्षीत यांनी उत्तम काम केल्याचे नमूद केले. कार्यक्रमास बालवाडी शिक्षिका आदी स्टाफ उपस्थित होता. कार्यक्रमाचे सूत्र संचालन व आभार श्री. थोरात यांनी मानले. यावेळी नुकत्याच रुजू झालेल्या शिक्षिका सौ. होके अर्चना यांचे स्वागत करण्यात आले. कार्यक्रमास पालक, विद्यार्थी मोठ्या संख्येने उपस्थित होते.
