या जगात आई शिवाय दुसरे कोणीही मोठे नाही ह.भ.प. – समाधान महाराज शर्मा

केज/प्रतिनिधी

केज तालुक्यातील दहिफळ वडमाऊली येथील सेवानिवृत्त प्राचार्य तथा शालेय संस्थापक अध्यक्ष सखाहारी तात्या गदळे यांच्या पत्नी व भाजपा युवा मोर्चाचे केज तालुकाध्यक्ष राहुल भैय्या गदळे,जयदत्त दहिफळ कर यांच्या मातोश्री कै. सौ.चंद्रकलाताई सखाहारी गदळे यांच्या चतुर्थ पुण्य पुण्यस्मरणा निमित्त दहिफळ वड माऊली येथील श्रीक्षेत्र वडमाऊली मंदीरा जवळ ह.भ.प.सखाहारी तात्या गदळे यांनी स्थापन केलेल्या शिव प्रतिष्ठाण संस्थान येथे सुप्रसिद्ध रामायणाचार्य विविध कथा व कीर्तनकार भावरत्न गुरुदास ह.भ.प. समाधान शर्मा महाराज यांच्या सुश्राव्य किर्तनाचा कार्यक्रम संपन्न झाला.

यावेळी ह.भ.प.समाधान शर्मा यांनी आई विषयी बोलत असताना म्हटले की या जगात आई शिवाय दुसरे कोणीही मोठे नाही.आपल्या आई वडिलांची सेवा करा. आणि पुढे बोलतअसताना म्हणाले की,देवाला माझा म्हणा आपल्याला सर्व काही मिळेल.जसे की जनाबाईने पांडुरंगाला माझा पांडुरंग म्हटले तसं आपण ही देवाला माझा म्हणायची सवय लावा. आपणाला ही सर्व काही भेटेल परंतु आपण माझा म्हणत नाही आमचा म्हणतो म्हणून आपण देवाच्या जवळ नाहीत.

आई वडिलांची सेवा करून आई वडिलांना आनंदी ठेवा.या कार्यक्रमाला भाजपचे जेष्ठ नेते नंदकिशोर मुंदडा (काकाजी),अजित पवार राष्ट्रवादी गटाचे नेते रमेशराव आडसकर,मा. जि.प.सदस्य विक्रम मुंडे, भाजपाचे नेते रमाकांत मुंडे,धैर्यशील देशमुख विडेकर, माधवराव मोराळे,अंकुशराव इंगळे, जी.बी. गदळे सर, डॉ.वसुदेव नेहरकर,मुरली ढाकणे,भगवान केदार, सरपंच आनिताताई दहिफळकर, उपसरपंच येडू नाना ठोंबरे,माजी सरपंच बालासाहेब मोराळे,गाताडे मारुती, पी.डी.मुरकुटे,शरद इंगळे, शिवाजी पाटील, अमर भैय्या पाटील,महादेव सूर्यवंशी,चंद्रभान पाळवदे, संतोष भैय्या शर्मा,अंकुश कलाने तसेच गावातील व पंचक्रोशीतील प्रतिष्ठित नागरिक युवक कार्यकर्ते आणि महिला मोठ्या संख्येने उपस्थित होते.

या कार्यक्रमाचे आयोजन राहुल भैय्या गदळे, डॉ. शशिकांत दहिफळकर, डॉ.शालिनीताई कराड (गदळे),प्राचार्या जयश्री ताई गदळेमॅडम,अभियंता शरद बप्पा गदळे,जयदत्त दहिफळकर यांनीपरिश्रम घेऊन हा कार्यक्रमयशस्वी केला.या कार्यक्रमाला उपस्थित असलेल्या सर्वांचे राहुल भैय्या गदळे यांनी आभार मानले.