प्रमोदजी महाजन शासकीय आयटीआय कॉलेज अंबाजोगाई येथे बॉम्बे स्टॉक एक्सचेंज (बी.एस.इ.) मार्फत एक दिवसीय स्मार्ट निवेशक जागरूकता कार्यक्रम संपन्न
अंबाजोगाई/प्रतिनिधी
दिनांक 29 सप्टेंबर 2025 रोजी प्रमोद जी महाजन शासकीय आयटीआय कॉलेज अंबाजोगाई येथे भारत सरकारच्या भारतीय प्रतिभूती व विनिमय बोर्ड अर्थात (सेबी) तसेच बॉम्बे स्टॉक (बी. एस. इ.) च्या माध्यमा तून आयटीआय च्या विद्यार्थ्यांसाठी एक दिवसीय स्मार्ट निवेशक जागरूकता कार्यक्रमाचे आयोजन करण्यात आले. कार्यक्रमाचे आयोजन कॉलेजचे प्राचार्य श्री.पी.टी.मुने सर यांच्या मार्गदर्शना खाली करण्यात आले.
कार्यक्रमास प्रमुख मार्गदर्शक म्हणून(सेबी) तसेच बी.एस.इ.चे सेक्युरिटीज मार्केट ट्रेनर श्री.गणेश चौधरी सर यांनी उपस्थित विद्यार्थ्यांना आर्थिक नियोजनाचे मार्गदर्शन केले.यात त्यांनी विद्यार्थ्यांना राष्ट्रीयकृत बँक तसेच पोस्ट ऑफिसमध्ये असलेल्या विविध योजना,डिमॅट अकाउंट,शेअर मार्केट, म्युच्युअल फंड व इतर शासकीय योजनांचे मार्गदर्शन केले. तसेच गुंतवणूक करत असताना विद्यार्थ्यांनी काय काळजी घ्यावी व फसवणूक करणाऱ्या योजनांपासून सावध राहण्याच्या सूचना दिल्या.
हा कार्यक्रम यशस्वीरित्या पार पाडण्यासाठी प्रा.एस. ए.क्षीरसागर मॅडम यांनी विशेष परिश्रम घेत कार्यक्रमाचे आयोजन केले व प्रा.आर.व्ही. माशाळकर सर यांनी सूत्रसंचालन केले. सदरील कार्यक्रम हा दोन वेगवेगळ्या बॅच मध्ये घेण्यात आला या कार्यक्रमास विद्यार्थी मोठ्या संख्येने उपस्थित होते.
