रमेश आडसकर यांनी अतिवृष्टीमुळे नुकसान ग्रस्त झालेल्या पिकांची केली पहाणी ; संबंधित अधिकारी यांच्याशी दुरध्वनीवरून संपर्क

केज/प्रतिनिधी

बीड जिल्ह्याचे जेष्ठ नेते रमेश आडसकर यांनी केज तालुक्यात अतिवृष्टीमुळे नुकसान ग्रस्त झालेल्या पिकांची पहाणी करून संबंधित अधिकारी यांच्याशी दुरध्वनीवरून संपर्क साधून जलद गतीने शेतीचे पंचनामे करून शासनाकडे अहवाल सादर कराव्यात अशी मागणी केली आहे.

मागील काही दिवसांपासून केज तालुक्यात संततधार पावसाने हजेरी लावली आहे.त्यामुळे शेताला तळ्यांचे स्वरूप आले आहे.पिकांचे नुकसान झाले आहे.शेतकरी हतबल झाले आहेत.

राष्ट्रवादी कॉग्रेस पक्षाचे ज्येष्ठ नेते रमेशराव आडसकर यांनी केज तालुक्यातील बोरगाव, भोपला,राजेगाव, दहीटना सह अनेक गावात दौरा करत पायी शेतकर्यांच्या शेतात जाऊन प्रत्यक्ष माहिती घेऊन संबंधित अधिकारी यांच्याशी दुरध्वनीवरून संपर्क साधून शासनाकडे अहवाल लवकर पाठवा अशी विनंती करून आपण स्वतः उप मुख्यमंत्री अजित दादा पवार यांच्याशी भेटून जिल्ह्यातील नुकसान ग्रस्त शेतकरी बांधवांना तातडीने मदत मिळवून देण्यासाठी प्रयत्न करणार आहे असे यावेळी सांगितले आहे.

रमेशराव आडसकर यांच्यासोबत अंकुशराव इंगळे,ॠषीकेश भैय्या आडसकर,अमर भैय्या पाटील,दिलीप गुळभिले तसेच अनेक गावचे सरपंच,नेते,कार्यकर्ते व शेतकरी मोठ्या संख्येने उपस्थित होते.