केज/प्रतिनिधी
बीड जिल्ह्यातील धारूर तालुक्यातील जिल्हा परिषद प्राथमिक शाळा गांजपूर येथीलशिक्षिका श्रीमती मीना जाधव यांची बदली झाल्याने शाळेत निरोप समारंभ पार पडला.शेवटच्या दिवशी श्रीमती जाधव यांनी आपल्या विद्यार्थ्यांना स्माईल बॉल देत गोड आठवणी दिल्या तसेच प्रत्येक विद्यार्थ्यांना चॉकलेट वाटप केले.या अनोख्या पद्धतीने निरोप घेतल्याने विद्यार्थी आनंदित झाले.
आपल्या आवडत्या शिक्षिकेचा निरोप घेताना विद्यार्थ्यांच्या चेहऱ्यावर हसू होते,परंतु मनामनात भावनिक ओलावा दाटून आला. श्रीमती जाधव यांनी शिक्षक म्हणून केलेल्या कार्याचा विद्यार्थ्यांवर चांगला प्रभाव पडला असून त्यांच्या कार्याची शाळेत कायम आठवण राहील,असे सहकाऱ्यांनी सांगितले.
