काला संत करतात तर त्याचे वाटप भगवंत करतो – ह.भ.प.महंत श्रीराम महाराज विडेकर
केज/प्रतिनिधी
काला करण्याचा अधिकार संतांना आहे मात्र या काल्यामध्ये सहभागी होऊन त्या प्रसादाचे वाटप मात्र स्वतः भगवंत करतो असे प्रतिपादन महंत ह.भ.प. श्रीराम महाराज विडेकर यांनी केले.विडा येथे प्रतिवर्षाप्रमाणे श्री राजा हनुमान महाराज जन्मोत्सव सोहळ्या निमित्त आयोजित अखंड हरिनाम सप्ताहातील काल्याच्या किर्तन प्रसंगी बोलत होते.याप्रसंगी त्यांनी संतनिळोबारायांनी अभंगाच्या माध्यमातून देव आणि भक्त एकत्र होऊन काला करतात त्या काल्याचे विशेषत्व सांगणा-या अभंगावर निरूपण केले.
काला करीती संतजन सवे त्यांच्या नारायण वाटी आपुल्या निज हस्ते ,भाग्याचा तो पावे तेथे ,लाही शीत लागे हाती ,दोष देखोनिया त्या पळती निळा म्हणे क्षीराचा बुंद लगता पावे ब्रह्मानंद हा अभंग घेतला
भगवंताचे भक्त काला करायला सुरुवात करतात तेव्हा भगवान परमात्माला देखील चैन पडत नाही आणि तो भगवान परमात्मा स्वतःच त्यांच्यामध्ये सहभागी होऊन तो वाटप करतो आणि हा काला जो भाग्यवान आहे त्यालाच प्राप्त होतो.या काल्याचे विशेषत्व असे की,त्याचे एक जरी शीत किंवा लाही हाताला लागली तरी सर्व दोष पळून जातात आणि हा प्रसाद प्राप्त झाला तर ब्रह्मानंदाची प्राप्ती होते एवढे सामर्थ्य या काल्याचे आहे असे सांगितले.
याप्रसंगी ह.भ.प.मनोज महाराज, ह.भ.प.पुरुषोत्तम महाराज शास्त्री,ह.भ.प. तुकाराम महाराज, मृदंगाचार्य अरुण महाराज, दादा महाराज मेटे,कल्याण आप्पा येवतेकर,रामहरी काटकर, रामहरी आंधळे, सखारामजी कदम, सुनील महाराज आंधळे, बापूराव मेटे यांच्यासह विडा गटाचे माजी जिल्हा परिषद सदस्य विजयकांत मुंडे,दत्तात्रय ठोंबरे,काका जाधव,बबन पवार,तुकाराम पटाईत, बाळू निर्मळ,बाबासाहेब पटाईत, बळीराम देशमुख,सरपंच सुरज पटाईत, गुणवंत बहुलेकर, कागदे महाराज,जगन्नाथ पटाईत,धनराज पवार, पराक्रम घुटे यांच्यासह परिसरातील भाविक -भक्त मोठ्या संख्येने उपस्थित होते. शेवटी निवृत्त पोलीस उप अधीक्षक दिलीपरावजी काळे साहेब यांची महाप्रसाद पंगती होती. कार्यक्रमाचे यशस्वीते साठी राजा हनुमान प्रतिष्ठान व समस्त युवा जणांनी सहकार्य केले.
