केज/प्रतिनिधी
छत्रपती राजर्षी शाहू अर्बन को-ऑप.बँक लि. बीड शाखा केज यांच्या वतीने दरवर्षीप्रमाणे यंदाही उत्कृष्ट शैक्षणिक कामगिरी करणाऱ्या विद्यार्थ्यांचा सत्कार दि.12 आॕक्टोबर 2025 रोजी रविवारी करण्यात आला.बॕंकेचे संस्थापक अध्यक्ष मा.इंजी. अर्जुनराव लक्ष्मणराव जाहेर पाटील यांच्या जयंतीनिमित्त आयोजित करण्यात आलेल्या या पारितोषिक वितरण कार्यक्रमासाठी गुणवंत विद्यार्थ्यांची यादी जाहीर करण्यात आली.बँकेच्या परंपरेनुसार दरवर्षी सभासदांच्या होतकरू, गुणवत्ता आधारित यश संपादन करणाऱ्या विद्यार्थ्यांना सन्मानित करण्याचा उपक्रम राबवला जातो.यंदा केज शाखेतील एकूण १७ विद्यार्थ्यांची निवड करण्यात आली.
या विद्यार्थ्यांनी इयत्ता दहावी,बारावी,पदवी, पदव्युत्तर तसेच तांत्रिक शिक्षणामध्ये उत्कृष्ट गुण प्राप्त केले आहेत.त्यांना प्रमाणपत्रपारितोषिक तसेच सत्काराद्वारे गौरविण्यात आले.या वेळी बॕंकेचे स्थानिक सल्लागार हनुमंत भोसले, रामचंद्र आनेराव काका, अॕड.सुधाकर अंबाड,अॕड. वसंतराव चिंचोलीकर, अरुण अंजान,बापुराव शिंगण,हनुमंत मुळे, सुर्यकांत भोईटे आदि मान्यवर उपस्थित होते.
गुणवंत विद्यार्थ्यांची नावे पुढीलप्रमाणे आहेत .चाळक अमर अरविंद, चाळक श्रेया वसंत, चाळक ज्ञानेश्वर वसंत, नेहरकर वर्षा विलास, देशमुख वैष्णवी,मोकाशी आदित्य अनंत,यादव स्नेहल बाळासाहेब, अंजान अभिजीत अरुणराव,जाधव संदेश गजेंद्र,मुळे तनुजा हनुमंत, सोमवंशी समर्थ हनुमंत, मुळे कृष्णा पांडुरंग,जाधव शुभम सर्जेराव, तपसे राजेश सुरेश,भोईटे अपुर्वा सुर्यकांत,बनसोडे प्रत्युष पांडुरंग आदि विद्यार्थ्याचा सत्कार करण्यात आला.
या उपक्रमाबद्दल बोलताना बँकेचे शाखा व्यवस्थापक सर्जेराव जाधव यांनी सांगितले की,आमच्या बँकेचा उद्देश केवळ आर्थिक व्यवहारा पुरता मर्यादित नाही,तर समाजातील होतकरू विद्यार्थ्यांना प्रोत्साहन देणे हाही आमचा सामाजिक बांधिलकीचा भाग आहे. विद्यार्थ्यांनी उच्च शिक्षण घेत समाजाच्या विकासात योगदान द्यावे,यासाठी आम्ही प्रेरणा देत आहोत.
बॕंकेचे विद्यमान अध्यक्ष इंजि.अजयराव पाटील साहेब हा वसा पुढे राबवत आहेत असे त्यांनी सांगितले,यावेळी सर्व विद्यार्थ्यांना सन्मानपत्र व पारितोषिके प्रदान करण्यात आली.सुत्र संचालन व आभारप्रदर्शन हनुमंत भोसले यांनी केले.
