केजमध्ये श्री परशुराम जन्मोत्सव सोहळ्याचे भव्य आयोजन ; विविध कार्यक्रमांची मांदियाळी
केज/प्रतिनिधी
केज येथील समस्त ब्राह्मण समाज व चतुर्वेद प्रतिष्ठानच्या वतीने दरवर्षीप्रमाणे याही वर्षी श्री परशुराम जयंती उत्सवाचे अत्यंत उत्साहात आयोजन करण्यात आले आहे.दि. १८ आणि १९ एप्रिल २०२६या दोन दिवसांच्या काळात विविध धार्मिक, सामाजिक आणि प्रबोधनात्मक कार्यक्रमांचे आयोजन करण्यात आले असून, यानिमित्त शहरात उत्साहाचे वातावरण आहे.शनिवारी रांगोळी स्पर्धा व रक्तदान शिबीराने उत्सवाची सुरुवात होणार आहे. शनिवार,१८ एप्रिल २०२६ रोजी सकाळी १० वाजता होणार आहे. यावेळी दोन गटांत रांगोळी स्पर्धा आयोजित करण्यात आली आहे. (लहान गट: १० ते १७ वयोगट आणि मोठा गट: १८ ते ४५ वयोगट) याच दिवशी सामाजिक बांधिलकी जपत रक्तदान शिबिराचे ही आयोजन करण्यात आले आहे.हे सर्व कार्यक्रम शुक्रवार पेठ येथील श्री बालाजी मंदिर येथे पार पडणार आहेत.
रविवारी भव्य मोटारसायकल रॅली
रविवार १९ एप्रिल२०२६ रोजी दुपारी ३-३० वाजता शहरातील प्रमुख मार्गावरून भव्य मोटार सायकल रॅली काढण्यात येणार आहे.ही रॅली वकीलवाडी हनुमान मंदिर येथून सुरू होऊन कानडी रोड कॉर्नर, छत्रपती शिवाजी महाराज चौक,भवानी चौक,मंगळवार पेठ कॉर्नर,डॉ. बाबासाहेब आंबेडकर चौक,गुंड गल्ली,लोढे गल्ली मार्गे श्री बालाजी मंदिर येथे विसर्जित होईल.
व्याख्यान आणि सत्कार समारंभ
रविवार सायंकाळी ५ वाजता श्री भगवान परशुराम यांच्या प्रतिमेचे पूजन करण्यात येईल. त्यानंतर श्री.ह.भ.प. लक्ष्मण महाराज इनामदार (गुरुजी) यांचे ‘श्री भगवान परशुराम’ या विषयावर अभ्यासपूर्ण व्याख्यान होणार आहे. व्याख्यानानंतर विविध क्षेत्रात विशेष नैपुण्य मिळवलेले विद्यार्थी आणि नवनियुक्त पदाधिकाऱ्यांचा सत्कार समारंभ आयोजित करण्यात आला आहे. कार्यक्रमाची सांगता महाप्रसादाने होणार आहे.हा जन्मोत्सव सोहळा यशस्वी करण्या साठी समस्त ब्राह्मण समाज व चतुर्वेद प्रतिष्ठान,केजचे पदाधिकारी व कार्यकर्ते परिश्रम घेत आहेत.या सर्व कार्यक्रमांना जास्तीत जास्त संख्येने उपस्थित राहावे,असे आवाहन आयोजकांच्या वतीने करण्यात आले आहे.
