केज येथे जिल्हा व अतिरिक्त सत्र न्यायालय येथे हुतात्मा दिनानिमित्त श्रद्धांजली कार्यक्रम संपन्न
केज/प्रतिनिधी
केज येथील जिल्हा व अतिरिक्त सत्र न्यायालय येथे तालुका विधी सेवा समिती व वकील संघाच्या संयुक्त विद्यमाने हुतात्मा दिनानिमित्त भावपूर्ण वातावरणात श्रद्धांजली कार्यक्रम पार पडला.या कार्यक्रमात देशासाठी बलिदान देणाऱ्या हुतात्म्यांना तसेच दिवंगत नेते अजित पवार व वैमानिक,सुरक्षा रक्षक, हवाई सुंदरी यांना दोन मिनिटांचे मौन पाळून श्रद्धांजली अर्पण करण्यात आली.
या वेळी जिल्हा अतिरिक्त सत्र न्यायाधीश श्री.एस. बी. भाजीपाले साहेब,जिल्हा व अतिरिक्त सत्र न्यायाधीश श्रीमती आर.के.शेख मॅडम, न्यायिक दंडाधिकारी प्रथम वर्ग (JMFC) श्री. एस.एस.बडगुजर साहेब व न्यायिक दंडाधिकारी प्रथम वर्ग (JMFC) श्रीमती पी.व्ही.चव्हाण मॅडम,वकील संघाचे अध्यक्ष अॕड.एम.एस.लाड यांच्यासह न्यायालयातील अधिकारी,कर्मचारी तसेच केज वकील संघाचे पदाधिकारी व सदस्य मोठ्या संख्येने उपस्थित होते.
कार्यक्रमाच्या प्रारंभी उपस्थित मान्यवरांनी हुतात्म्यांच्या प्रतिमेस पुष्पांजली अर्पण करून अभिवादन केले.यावेळी देशाच्या स्वातंत्र्यासाठी आणि लोकशाहीच्या रक्षणासाठी दिलेल्या बलिदानाचे स्मरण करण्यात आले.न्याय व्यवस्थेतील सर्व घटकांनी संविधान मूल्यांचे जतन करण्याचा संकल्पही यावेळी व्यक्त केला.
