केज/प्रतिनिधी
पत्रकारिता व सामाजिक क्षेत्रात आपली वेगळी ओळख निर्माण केलेले, वंचित बहुजन आघाडीचे प्रसिद्धीप्रमुख, महाराष्ट्र राज्य पत्रकार संघ मुंबई शाखा केजचे उपाध्यक्ष तथा दैनिक महाभारत चे तालुका प्रतिनिधी श्री. प्रदीप गायकवाड यांनी आता उद्योग क्षेत्रात मोठी भरारी घेतली आहे.
आपल्या व्यवसायाचा विस्तार करत त्यांनी टाटा कंपनीचा नवीन टिप्पर खरेदी केला असून, नुकताच याचा भव्य उद्घाटन सोहळा मान्यवर मंडळींच्या उपस्थितीत संपन्न झाला.पत्रकारिते च्या माध्यमातून जन सामान्यांचे प्रश्न मांडणारे प्रदीप गायकवाड हे एक ‘युवा उद्योजक’ म्हणूनही सातत्याने प्रगती करत आहेत.त्यांच्या या नवीन व्यवसायामुळे केज तालुक्यातील उद्योग क्षेत्रात त्यांचे कौतुक होत आहे.
मान्यवरांची उपस्थिती आणि शुभेच्छांचा वर्षाव
या नवीन वाहनाच्या पूजन प्रसंगी केज तालुक्यातील विविध क्षेत्रांतील दिग्गज मंडळी उपस्थित होती.यामध्ये प्रामुख्याने तालुक्यातील नामवंत उद्योजक, व्यावसायिक,पत्रकार बांधव आणि मोठ्या कंत्राटदारांचा (गुत्तेदार) समावेश होता.उपस्थित सर्वांनी गायकवाड यांच्या कष्टाचे आणि जिद्दीचे कौतुक करत,हा टिप्पर त्यांच्या प्रगतीचा नवा मार्ग ठरेल,असा विश्वास व्यक्त केला.
तरुणांसाठी प्रेरणादायी पाऊल
केवळ नोकरीच्या मागे न लागता स्वतःचा व्यवसाय उभा करून पत्रकार प्रदीप गायकवाड यांनी केज तालुक्यातील तरुणांसमोर एक नवा आदर्श ठेवला आहे.सामाजिक जबाबदारी सांभाळून व्यावसायिक यश कसे मिळवता येते,याचे उत्तम उदाहरण त्यांनी घालून दिले आहे.या कार्यक्रमा च्या सांगतेवेळी उपस्थित मित्र परिवाराने आणि हितचिंतकांनी प्रदीप गायकवाड यांना पुढील वाटचालीस भरभरून शुभेच्छा दिल्या आहेत.
