बीड/प्रतिनिधी
शासकीय तंत्रनिकेतन, बीड येथील ट्रेनिंग अँड प्लेसमेंट विभागाच्या वतीने आयोजित करण्यात आलेल्या विविध कॅम्पस इंटरव्ह्यू मध्ये संस्थेतील एकूण ११८ विद्यार्थ्यांची नामांकित बहुराष्ट्रीय कंपन्यांमध्ये निवड झाली आहे.या यशामुळे संस्थेच्या शिरपेचात मानाचा तुरा रोवला गेला असून ग्रामीण भागातील विद्यार्थ्यांसाठी रोजगाराची मोठी संधी उपलब्ध झाली आहे.
कंपन्या आणि निवडीचा तपशील:
ट्रेनिंग अँड प्लेसमेंट विभागामार्फत नुकत्याच विविध कंपन्यांच्या मुलाखती पार पडल्या. यामध्ये प्रामुख्याने खालीलप्रमाणे निवडी झाल्या आहेत: John Deere (पुणे): या नामांकित कंपनीत यंत्र विभागातील १३ आणि विद्युत विभागा तील १२ अशा एकूण २५ विद्यार्थ्यांची निवड झाली.Bajaj Auto Ltd. (छ.संभाजीनगर): या ठिकाणी सर्वाधिक ६९ विद्यार्थ्यांची निवड करण्यात आली.यामध्ये यंत्र विभागातील २७, विद्युत विभागातील २१ आणि अणुविद्युत विभागातील २१ विद्यार्थ्यांचा समावेश आहे.मुद्रण तंत्रज्ञान विभाग: या शाखेच्या २४ विद्यार्थ्यांची निवड झाली असून,त्यातील १२ विद्यार्थी Essel Propack (मुंबई) आणि १२ विद्यार्थी Parksons Packaging (अहमदाबाद) येथे रुजू होतील.
संस्थेकडून कौतुकाचा वर्षाव:
विद्यार्थ्यांनी संपादन केलेल्या या घवघवीत यशाबद्दल संस्थेचे प्राचार्य डॉ.ए.के.वाघमारे यांनी सर्व विद्यार्थ्यांचे अभिनंदन केले. विद्यार्थ्यांची जिद्द आणि प्राध्यापकांचे योग्य मार्गदर्शन यामुळेच हे यश मिळाल्याचे त्यांनी नमूद केले.या प्रक्रिये साठी ट्रेनिंग अँड प्लेसमेंट विभागप्रमुख श्री.यु.व्ही.बनसोडे, विभागप्रमुख (विद्युत) श्री.बी.एम.गित्ते,विभाग प्रमुख (अणुविद्युत) श्री. पी.बी.गावडे आणि विभागप्रमुख (मुद्रण तंत्रज्ञान) श्री.ए.एस. जाधव यांनी विशेष परिश्रम घेतले. यासोबतच संस्थेतील इतर सर्व विभागप्रमुख, अधिकारी व कर्मचाऱ्यांनी निवड झालेल्या विद्यार्थ्यांचे कौतुक करत पुढील वाटचालीस शुभेच्छा दिल्या आहेत.
ठळक वैशिष्ट्ये:
एकूण निवड: ११८ विद्यार्थी प्रमुख क्षेत्रे: मेकॅनिकल,इलेक्ट्रिकल, इलेक्ट्रॉनिक्स आणि प्रिंटिंग टेक्नॉलॉजी.
कार्यक्षेत्र:
पुणे,छत्रपती संभाजीनगर,मुंबई आणि अहमदाबाद.
