येडेश्वरी फाऊंडेशनच्या माध्यमातून महिला सक्षमीकरणासाठी व्यवसाय उभारणीस बळलव्हुरीत राजवीर एंटरप्राईजेस चे उद्घाटन
केज/प्रतिनिधी
खा.बजरंग बप्पा सोनवणे यांच्या अध्यक्षतेखाली येडेश्वरी फाउंडेशन,केज यांच्या माध्यमातून महिलांना स्वावलंबी करण्यासाठी राबविण्यात येणारे उपक्रम प्रभावी ठरत असून,शेकडोमहिला आज स्वतःचा व्यवसाय उभा करत आहेत. आर्थिक,सामाजिक व शैक्षणिकदृष्ट्या महिलांचे सक्षमीकरण व्हावे,त्या स्वतःच्या पायावर उभ्या राहाव्यात,या उद्दिष्टाने येडेश्वरी फाउंडेशन तर्फे महिला सक्षमीकरण केंद्र सुरू करण्यात आले आहे.
गेल्या अनेक वर्षांपासून विविध सामाजिक उपक्रम राबविणाऱ्या येडेश्वरी फाउंडेशनच्या माध्यमातून महिलांना शिवणकाम, अरीवर्क कला,बेकरी प्रॉडक्ट्स,कॉम्प्युटर कोर्स आदी विविध कौशल्यांचे प्रशिक्षण दिले जात आहे. येडेश्वरी कार्यालयात सुरू असलेल्या या प्रशिक्षणा तून महिलांनी बचत गटांच्या माध्यमातून स्वतःचे व्यवसाय सुरू केले असून,अनेक कुटुंबांना याचा थेट लाभ होत आहे.
क्रांतीज्योती सावित्रीबाई फुले यांच्या जयंतीचे औचित्य साधून दि.३ जानेवारी रोजी येडेश्वरी फाउंडेशनच्या सौजन्याने लव्हुरी येथे रूपालीताई शिनगारे यांच्या राजवीर एंटरप्राईजेस व जनरल स्टोअर्स या व्यवसायाचे उद्घाटन येडेश्वरी फाउंडेशनच्या अध्यक्षा सौ.शितलताई लांडगे यांच्या हस्ते संपन्न झाले.
या कार्यक्रमाचे सूत्र संचालन सतीश पाटेकर यांनी केले तर प्रास्ताविक सरस्वती शिनगारे यांनी मांडली.प्रमुख पाहुणे म्हणून उपसरपंच विजय दादा चाळक,भाई दादा चाळक, छत्रभुज चाळक, दीपिका पाटेकर यांच्या सह गावातील मान्यवर व महिला भगिनी मोठ्या संख्येने उपस्थित होत्या.
येडेश्वरी फाउंडेशनच्या सहकार्याने गोरगरीब महिलांचे व्यवसाय उभे राहत असून,या उपक्रमाचे सर्वत्र कौतुक होत आहे. महिलांच्या स्वावलंबना साठी राबविण्यात येणारे हे प्रयत्न प्रेरणादायी ठरत असल्याचे उपस्थितांनी नमूद केले.
